Qarshi shahrida islom karimov haykali ochildi



Qarshi shahrida islom karimov haykali ochildi

Birinchi Prezidentimiz, buyuk davlat va siyosat arbobi, о‘zbek xalqining atoqli farzandi Islom Karimov tavalludining 80 yilligi mamlakatimizda keng nishonlanmoqda.
Istiqlol yillarida mamlakatimiz erishgan barcha yutuq va marralar Birinchi Prezidentimiz nomi va faoliyati bilan bog‘liq. Islom Karimov mamlakatimizni jahonda о‘z о‘rniga ega bо‘lgan, mustaqil va mustahkam davlatga aylantirdi.
...2018 yil. 30 yanvar. Birinchi Prezidentimiz qator yillar mehnat qilgan Qashqadaryo viloyatining Qarshi shahri markazi. Atrof oppoq qorga burkangan, osmon musaffo. Muazzam bino tepasida davlatimiz bayrog‘i hilpiraydi.
Bu yerga О‘zbekiston Qahramonlari, fan va madaniyat, adabiyot va san’at namoyandalari, Qashqadaryo viloyatining keng jamoatchiligi, talaba-yoshlar Islom Karimov haykali ochilishiga bag‘ishlangan tantanali marosimda ishtirok etish uchun yig‘ilgan.
Marosimda О‘zbekiston Respublikasi Prezidenti Shavkat Mirziyoyev nutq sо‘zladi.
Islom Karimov Qashqadaryo viloyatining iqtisodiyotini kо‘tarish, odamlarni rozi qilish yо‘lida tinim bilmay mehnat qildi. Viloyat ahli, yoshi ulug‘lar u kishining mehnatsevarligi, ezgu tashabbuslari va beminnat yordamlarini hamon unutishmaydi.
О‘zbekiston Respublikasi Prezidenti Shavkat Mirziyoyev va Birinchi Prezidentimiz rafiqasi Tatyana Karimova Islom Karimov haykalini ochdi. Buyuk Yurtboshimiz haykali poyiga gullar qо‘yildi, uning xotirasiga hurmat bajo keltirildi.
Islom Karimov bozor iqtisodiyotiga asoslangan huquqiy demokratik davlat qurishning chuqur о‘ylangan strategiyasini ishlab chiqqan va uni amalga oshirgan buyuk davlat arbobi sifatida mamlakatimizda va xalqaro maydonda yuksak obrо‘-e’tibor qozondi.
Birinchi Prezidentimiz boshlab bergan olamshumul islohotlar bugun davlatimiz rahbari Shavkat Mirziyoyev rahnamoligida izchil davom ettirilmoqda.
Davlatimiz rahbarining 2017 yil 25 yanvardagi “О‘zbekiston Respublikasining Birinchi Prezidenti Islom Abdug‘aniyevich Karimovning xotirasini abadiylashtirish tо‘g‘risida”gi qarori xalqimizning о‘zining buyuk farzandiga cheksiz hurmat va sadoqatining amaliy ifodasi bо‘ldi. Qarorda kо‘zda tutilganidek, Birinchi Prezidentimiz nomini abadiylashtirish bо‘yicha keng kо‘lamli chora-tadbirlar amalga oshirildi. Islom Karimov nomidagi Respublika xayriya jamoat fondi tuzildi. Toshkent shahar Yashnobod tumanining Farg‘ona yо‘li kо‘chasidagi jome’ masjidga “Islom ota” nomi berildi. Samarqand shahrida Islom Karimov muzeyini tashkil etish bо‘yicha salmoqli ishlar qilindi. Qaror ijrosi doirasida Toshkent davlat texnika universiteti, Asaka shahridagi avtomobil zavodi, Farg‘ona shahridagi San’at saroyi, Toshkent xalqaro aeroporti, Qoraqalpog‘iston Respublikasi, Toshkent shahri va viloyatlardagi markaziy kо‘chalarga Islom Karimov nomi berildi. Toshkent, Samarqand, Qarshi shaharlarida u kishining haykali о‘rnatildi.
Davlatimiz rahbarining 2017 yil 27 noyabrdagi О‘zbekiston Respublikasining Birinchi Prezidenti, buyuk davlat va siyosat arbobi Islom Abdug‘aniyevich Karimov tavalludining 80 yilligini nishonlash tо‘g‘risida”gi qarori ijrosi yuzasidan mamlakatimiz bо‘ylab madaniy-ma’rifiy tadbirlar, xotira kechalari о‘tkazilmoqda.
Marosimda Qashqadaryo viloyati kasaba uyushmalari tashkilotlari birlashmasi raisi Esonboy Rajabov, О‘zbekiston xalq shoiri Iqbol Mirzo, Qarshi davlat universiteti dotsenti Abdurahim Erkayev, Birinchi Prezidentimizning rafiqasi Tatyana Karimov sо‘zga chiqib, Islom Abdug‘aniyevich Karimov Qashqadaryo xalqini cheksiz muhabbat bilan sevgani, bu vohani sanoati rivojlangan hududga aylantirgani, qolaversa, umrining sо‘nggi kunlariga qadar butun hayotini О‘zbekistonga xizmat qilishga bag‘ishlagani, uning sо‘nmas xotirasi minnatdor yurtdoshlarimizning, butun xalqimizning qalbida abadiy saqlanib qolishini ta’kidladi.
Shu kuni Islom Karimov haykali poyi gullarga burkandi.
Keng jamoatchilik vakillari, shu jumladan, Muhammad al-Xorazmiy nomidagi Toshkent axborot texnologiyalari universiteti Qarshi filiali jamoasi va talaba-yoshlari Birinchi Prezidentimiz xotirasiga hurmat bajo keltirdi.

2018-01-30 | Muallif: Ma’naviyat-ma’rifat va iqtidorli talabalar bilan ishlash bo‘limi

FOYDALI SAYTLAR

prev
next